“Denborak erakutsi dit jakitearen baliagarritasuna epe luze eta lasaietan neurtzen dela: ez dugu “zerbaitetarako” jakin behar, jakintza berez justifikatzen baita. Jakiteak askeago, jantziago, ikasiago, jasanberago eta solidarioago bihurtzen gaitu. Eta altxor hori ez dator bat gaur egun hain modan dauden arinkeriarekin eta azalkeriarekin.”

2018-2019 ikasturteari hasiera ematen diogun honetan, ongietorria egin nahi diegu gure ikastetxera datozen pertsona guztiei, eta bereziki gure ikastetxera estreinakoz datozen ikasle, guraso eta irakasleei. Antigua-Luberri institutua Donostiako Antigua auzoan kokaturiko ikastetxe publikoa eta euskalduna da, Donostiako eta inguruetako familiei kalitatezko hezkuntza zerbitzua eskaini nahi diena.

Helburu horrekin ematen diogu hasiera 2018-2019 ikasturteari.

Jaso ezazue, beraz, gure agurrik beroena.

 

ZUZENDARITZA