Jangela zerbitzuaren berri 2009-09-01eko eskutitzean eskuratu zenuten: egutegia, kuotak, alta-bajak gurasoek nola eman, hutsegiteak nola justifikatu eta dieta berezien berri.
DBHko 1. mailako ikasleei ikasturteko lehen egunean jangelako funtzionamenduaren punturik garrantzitsuenak aipatu zitzaizkien:
1) Puntualtasunaren garrantzia bi txandak kateatuta daudelako;
2) bakoitzak egunero bere gauzak jaso beharra;
3) kontuz ibili beharra mahaien inguruan edo pasiloan;
4) norberak bere eserlekua izango duela ikasturte osorako eta garbitze lanak taldeka egiten direla;
5) eguerdiko tartean jolasteko baloiak eta jokoak kutxategian daude eta lagunekin ibiltzeko ordubete geratzen zaie;
6) etorri ezinean gertatzen denak aurrez jakinaraztea eskatzen zaizue janaria alferrik ez galtzeko;
7) denon laguntza eta errespetua ezinbestekoak dira 400 laguneko gure jangelan.